பயணம் !

தாயின் ரத்தத்தில் கருவறைக்குள் விருந்து,

கண்மூடி புரண்டுகொண்டு செய்த சிறு குறும்பு,

இரண்டும் முடிந்தது தொப்பிள்கொடி அறுந்து,

தொடங்கும் உன் பயணம் போர்க்களத்திலிருந்து !

அக்கரையைத் தேடி தொடங்கும் தேடல் ஒன்று,

இருட்டான பாதைகள் உனக்கென்று பல உண்டு,

தென்றல் வந்து மோதுமென்று காத்திருப்பாய் அங்கு,

உன் கண்ணீரின் சுவையை மண்ணும் ரசிக்கும் இங்கு !

காகிதக் கப்பலில் கடலில் பயணம்,

மூடிய திரைக்குபின் சீறும் வீர வசனம்,

சதை கூட்டிற்குள் பிறக்கும் பல சலனம்,

கண்கள் இரண்டில் காதல் வரும் தருணம் !

நாடோடி மேகம் உன்னைவிட்டு ஓடோடி போகும்,

பிரிவு தரும் துன்பம் உன்னையும் ருசித்து தின்னும்,

உடைந்து நீ நொறுங்கும்போது அமைதி வந்து சேரும்,

உன் வாழ்க்கை என்னும் பயணம் அங்கு .......

.......முடிந்து போகும் !